پوچھتے ہیں "شادی کرنے کی صحیح عمر کیا ہے ؟" -

لوگ پوچھتے ہیں “شادی کرنے کی صحیح عمر کیا ہے ؟”
میں کہتا ہوں کہ ” جب آپ کے جسم کو کھانے یا پانی کی ضرورت ہوتی ہے تو کیا کوئی باہر سے آکر بتاتا ہے کہ اب آپ کو کھانا کھانا چاہیے یا پانی پینا چاہیے ؟

جواب ہوتا ہے نہیں ” بھوک لگنا اس بات کی علامت ہے کہ جسم کو کھانےکی ضرورت ہے ، پیاس لگنا اس بات کی علامت ہے کہ جسم کو پانی کی ضرورت ہے ۔ “

میں جواب دیتا ہوں” بھوک اور پیاس کی طرح شہوت بھی انسان کی جسمانی ضرورت ہے۔ اس ضرورت کی اطلاع بھی باہر سے آکر کوئی نہیں دے گا۔ خود جسم بتا دیتا ہے کہ اب اس کو اپنی ضرورت پوری کرنے کےلیے ” ساتھی” درکار ہے ۔ یہ اطلاع جسم بالغ ہوکر دیتا ہے ۔ مرد کا بالغ ہونا یہ ہے کہ اس کی آرزوئیں خواب میں متشکل ہونے لگیں اور اس کی خواہش ابر بن کر برسنا شروع کردے “

لوگ کہتے ہیں ” لیکن ابھی بچے کا بچپنا نہیں گیا”
میں کہتا ہوں “بچپنا تو شادی کے بعد ہی جاتا ہے ۔ آدمی چالیس سال کا بھی ہوجائے تو شادی کے بغیر وہ بچہ ہی رہتا ہے ۔ اور شادی سولہ سال میں بھی ہوجائے تو لڑکا ذمہ دار اور سنجیدہ ہوجاتا ہے ۔ آٹے دال کا بھاؤ تو شادی کے بعد ہی پتہ چلتا ہے ۔ بیوی جو سکھا دیتی ہے ماں باپ نہیں سکھا سکتے ۔ “

ٹیگز: